Dyma ymgeiswyr Plaid Cymru Sir Gaerfyrddin ar gyfer etholiad Senedd 2026.
Cefin Campbell: Yn wreiddiol o Ddyffryn Aman, etholwyd Cefin fel Aelod o’r Senedd dros Ganolbarth a Gorllewin Cymru am y tro cyntaf yn 2021. Mae o bellach yn llefarydd addysg ar ran Plaid Cymru ac yn bencampwr dros gymunedau gwledig ac amaeth. Cyn ei yrfa gwleidyddol, sefydlodd y Fenter Iaith gyntaf yng Nghymru a bu’n ddarlithydd Iaith a Llenyddiaeth Cymraeg a Hanes Cymru ym Mhrifysgol Caerdydd.
Nerys Evans: Wedi’i geni a’i magu yn Llangain, mae Nerys Evans wedi sefydlu a thyfu cwmni bychan llwyddiannus. Gweithiodd fel Cyfarwyddwr Strategaeth ar gyfer darparwr dysgwyr yn y gweithle, ac fel aelod o fwrdd yr FUW. Etholwyd yn flaenorol fel Aelod Cynulliad dros Ganolbarth a Gorllewin Cymru rhwng 2007 a 2011, gan sicrhau’r rhyngrwyd i nifer o gymunedau yn Sir Gâr.
Adam Price: Wedi’i fagu yn y Tymbl, Adam Price yw’r Aelod o’r Senedd bresennol dros Ddwyrain Caerfyrddin a Dinefwr, gan gael ei ethol i’r rôl gyntaf yn 2016. Mae'n gyn-Aelod o Senedd San Steffan ac yn gyn-Arweinydd Plaid Cymru. Cyfuna Adam ddegawdau o brofiad gwleidyddol â record gref o feddwl deinamig a sicrhau bod prosiectau'n cael eu cyflawni yn ei etholaeth.
